На овој ден пред точно 56 години Скопје ја доживеа најтажната приказна. На овој ден се случи катастрофалниот земјотрес кој унипти буквално се, и го срамни Скопје за земја.

На кобниот ден 26 јули 1963-тата година околу 1.070 луѓе го загубиле животот, а 3.000 биле повредени.

Катастрофалниот земјотрес се случил во пет часот и 17 минити, а помали потреси имало до пет часот и 43 минути.

Скопскиот земјотрес се почувствува на простор од околу 50.000 квадратни километри. Од потресот беа урнати 15.800 станови, а оштетени беа 28.000. Над 200.000 луѓе остана без покрив над глава.

Но една случка сведочи за неверојатната љубов на родителот кон децата. Имено таа ноќ, како што сведочат соседите,во една скопска зграда таа ноќ само еден прозорец бил осветлен. Тоа кобно утро еден инженер работел на своите трудови кога се почнало да се урива. Освен тој, сите останати членови на семејството спиеле.

Немајчи многу време, инжинерот ја зел ќерката од креветот и заедно со душекот и со постелата ја завиткал и ја фрлил од четвртиот кат. За среќа успеал да ја спаси неа.

Девојчето во моментот се нашло во рацете на еден полковник, кој не можел да ја задржи и таа се лизнала на асфалтот.

Паднала, но падот бил ублажен. Девојчето било повредено, но останало живо.

Во земјотресот загинале инженерот, неговата сопруга и синот.

Зградата се урна по вториот потрес, раскажува еден сведок.