На Обвинетиот пратеник од ВМРО – ДПМНЕ, Сашо Василевски, денеска му е укинат домашниот притвор.

Неофицијално утринава е донесено решение во Кривичниот  суд дека паричната гаранција која ја понудил му е прифатена и одредени му се мерки на претпазливост.

Тоа значи дека Василевски од сега ќе може да присуствува на пленарните седници во Собранието.

Во куќен притвор засега остануваат неговите колеги Крсто Мукоски и Љубен Арнаудов, кои исто така имаат поднесено жалби на ваквата мерка.

Од обвинителството за организиран криминал посочија дека нема да се жалат на одлуката Василевски да не биде веќе во домашен приотвор.