Премиерот Бенјамин Нетанјаху најверојатно ќе го добие рекордниот петти мандат откако речиси комплетните резултати од изборите во Израел сугерираат дека ќе има нова десничарска коалиција.
Неговата партија Ликуд се очекува да заврши со сличен број места како и центристичкиот сојуз Сино-бело на Бени Ганц.
Но Ликуд и десничарските сојузници ќе бидат најголемиот блок со 65 места во 120-члениот Кнесет, објавија локалните медиуми.
И покрај тоа што 69-годишниот премиер се соочува со наводи за корупција, резултатот од изборите значи дека тој може да стане премиер на Израел со најдолга служба, надминувајќи го основачот на Израел, Давид Бен-Гурион.
Излезните анкети предвидоа тесна трка без јасен победник, поради што и Нетанјаху и Ганц синоќа прогласија победа.
„Владата ќе биде десничарска, но јас ќе им бидам премиер на сите“, им рече Нетанјаху на поддржувачите.
„Многу сум трогнат што народот на Израел пет пати ми даде доверба, дури уште повеќе отколку на претходните избори. Имам намера да бидам премиер на сите граѓани на Израел. Десница, левица, Евреи, неевреи, сите граѓани на Израел“.
Ниту една партија никогаш нема освоено мнозинство во израелскиот парламент од 120 места и владите отсекогаш беа коалициски.
Партијата на премиерот Нетанјаху Ликуд – Национално либерално движење е централно-десничарска партија во Израел. Таа по идеологија е конзервативна и се придржува кон националниот и економски либерализам, а исто така е и секуларна партија. Основана е во 1973 година од Мемахем Бегин и Ариел Шарон во коалиција со неколку други десничарски партии. Убедливата победа на законодавните избори во 1977 година ја запишала Ликуд во политичката историја на Израел, така што за првпат левицата ја изгубила власта.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.