Како и секој понеделник, Регулаторната комисија за енергетика носи одлука за најновата цена на горивата.

Од понеделникот се намали цената на бензините од денар до денар и пол, а цената на дизелот и Екстра лесното масло за домаќинство остана непроменета.

Според одлуката на Регулаторната комисија за енрегетика, ЕУРОСУПЕР БС-98 се продава по пониска цена за 1,50 денари, а ЕУРОСУПЕР БС – 95 за еден денар. ЕУРОСУПЕР БС-98 е 68,50 ден/литар, а на ЕУРОСУПЕР БС-95 66,50 ден/литар.

Се намали и цената на мазутот за 0,740 ден/кг во однос на претходно утврдената цена, односно сега мазутот се продава по цена од 32,954 ден/кг.
Новите пониски цени на бензините се должат на намалувањето на цената на бензините на светскиот пазар во изминатиот седумдневен период.