На денешната прес-конференција која ја одржа министерот за животна средина Насер Нуредини каде ги презентираше новите проекти и приоритети на неговиот ресор на албански и англиски јазик, доби прашање од новинарите, кога ќе проговори на македонски.
Нуредини на ова за него очигледно збунувачно прашање одговори дека го знае македонскиот јазик.
Веднаш потоа додаде дека не би било лошо и новинарите да го знаат албанскиот, како што тој го учи македонскиот.
„Ви благодарам на прашањето. Ве разбирам се што ме прашувате, многу добро, можам да се изразувам и многу добро ако сакате да знаете, ќе научам полека нормално, обврска е за мене. Албански не баш лошо да знаете, убаво е да научите и вие албански. Ќе зборам во иднина и на македонски“, рече Нуредини.
Инаку денешната прес-конференција тој ја водеше на албански јазик, а новинарските прашања ги одговараше на англиски јазик.
Министерот ги презентираше задачите и целите од Мандатното писмо, како и планот за работа за првите 100 дена:
„ Особено ми е драго што во Програмата на Владата на РСМ за 2020 – 2024 се забележуваат сериозни цели во насока на унапредување на состојбите со животната средина и очекувам дека покрај заложбите на Министерството за животна средина и просторно планирање, сите чинители на општеството, сите институции и колеги ќе ја дадат поддршката, ќе вложат напори од својот аспект на работење и ќе ги исполнат своите обврски, во насока на спроведување на зацртаните политики. Без преземање на координирани стратешки активности и креирање на синергии со сите чекори кои ќе бидат преземени на државно ниво, не можеме да го постигнеме одржливиот развој и посакуваниот квалитет на животната средина, посочи Нуредини.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.