Информациите коишто ги имаме од Брисел велат дека ниту една земја или државник не го поддржува ветото од официјална Софија, за старт на отпочнување на преговорите на Македонија со ЕУ, вели Пендаровски!

Пендаровски смета дека не постојат реални шанси да попушти Република Бугарија и оваа година да се оддржи првата меѓувладина конференција меѓу нашата земја и Унијата.

Веста од Брисел сите ја примивме со големо разочарување. За жал, точката за отпочнување на преговорите напата земја со ЕУ од страна на германското претседателство беше помината само информативно и не беше донесена никаква одлука.

Кога во 2017-та со Република Бугарија го потпишавме Договорот за добрососедство и пријателство, се чинеше дека постои јасно изразена политичка волја на двете страни да се имплементира договорот, според неговата содржина.

Сега, истата политичка структура којашто стои зад потпишувањето на Договорот, излегува од неговите рамки и оди во спротивна насока од основните Европски принципи и вредности, вели претседателот!