После четири дена во болница и детални анализи, утврден е типот на леукемија од која боледува фудбалската звезда, Синиша Михајловиќ.

Се работи за типот на леукемија CML. Овој тип на леукемија се јавува кај лица во подоцниот период од својот живот, поточно после 50 та година од својот живот.

Се работи за мутација на ќелиите, каде матичните ќелии на коскената срж ствараат преголем број на леукоцити, односно бели крвни зрнца.

Секако оваа вест е охрабрувачка, но сепак зависи од организмот на прославениот фудбалер и тренер, Синиша Михајловиќ. Деновиве ќе почне агресивна терапија од која првите резултати се очекуваат за околу еден месец.

Минатата недела Михајловиќ одржа прес конференција за новинарите и изјави дека боледува од леукемија.

Синиша Михајловиќ e српски фудбалски тренер и поранешен играч од одбраната. Во моментов ја води екипата на Болоња.
Кариерата ја започнал како лево крило, меѓутоа со преоѓањето во Италија бил прекомандуван во одбраната, каде што играл до крајот на својата играчка кариера.

За репрезентациите на СФР Југославија, СР Југославија и Србија и Црна Гора, Михајловиќ одиграл вкупно 63 натпревари и постигнал 10 гола а учествувал и на Светското првенство 1998 и Европското првенство 2000.
Познат е како еден од најдобрите изведувачи на слободни удари во светот.

Тој и Џузепе Сињори се единствените двајца играчи во Серија А, кои постигнале по три гола на еден натпревар од слободни удари, а исто така го држи рекордот по бројот на постигнати голови од слободен удар во Серија А заедно со Андреа Пирло.