На наше големо задоволство ве известуваме дека Хотел ГРАНИТ – Охрид, започнува со работа на 22.06.2020 г., ПОНЕДЕЛНИК, соопштија од менаџментот!

Дојдете заедно да уживаме во убавината, мирот и комфорот што го нуди ХОТЕЛ ГРАНИТ – Охрид.

Согласно препораките на Министерството за здравство, испочитувани се и спроведени сите мерки за заштита на здравјето на нашите гости и вработени, соопштуваат од хотелот!

Со одлука на Владата на Република Македонија, како дел од пакетот „Дома си е дома“, сите вработени кои добиваат плата под 15 илјади денари ќе добијат ваучер од 6.000 денари за да одат на одмор, за така да му се помогне на туристичкиот сектор во време на корона-кризата.
Туристичките ваучери се очекува да му помогнат на домашниот туристички сектор да го преживее ударот од пандемијата на COVID-19. Ваучерот ќе може да се искористи во сите категоризирани угостителско-туристички објекти во земјава во периодот од 15-ти јули до 15-ти декември.

Супер радио и OhridPress во периодот пред официјалниот старт на летната туристичка сезона, ќе Ви презентираат голем дел од најрепрезентативните капацитети во Охрид, во делот на хотелското сместување, но и поатрактивните апартмани.

Хотел „Гранит“ е лоциран на крајбрежјето на Охридското Езеро, во месноста „Св. Стефан“, на само 5 километри од центарот на Охрид и 12 километри од аеродромот во Охрид.
Станува збор за модерен хотел со четири ѕвезди. Располага со резиденција, ресторан, кафе-бар, базен, големи тераси и сопствена песочна плажа.