Јанева денес е повикана на распит во скопското обвинителство за случајот „Рекет“ .

Специјалната јавна обвинителка Катица Јанева денеска во 10 часот ќе се појави во скопското обвинителство и ќе сведочи за случајот „Рекет”.

Во аудио снимките кој ги објави италијанскиот весник „Ла верита” во телефонски разговор се слуша и нејзиниот глас, како му вели на бизнисменот Орце Камчев да не се секира, „сѐ ќе биде ОК”. 

Специјалната јавна обвинителка во оставка Катица Јанева, даде изјава непосредно пред одморот и рече дека не ја злоупотребила нејзината службена должност, ниту свесно, ниту несвесно.

Таа кажа дека никогаш не криела дека нејзиниот син работел во телевизијата на Бојан Јовановски-Боки 13 и комуницирал со него.

– Ова не значи дека некој стекнал право да ја злоупотребува мојата службена должност за евентуално да остварува одредени привилегии или да презема незаконите дејствија. – рече Јанева.

Боки 13 го користел познанството на Катица Јанева за да рекетира бизнисмени. Нејзиното име и презиме го злоупотребувале и други лица, кажа Јанева.
Таа ги повика органите да го истражат овој случај.