Изјавата на претседателскиот кандидат Стево Пендаровски дека 24/7 бил следен од странски тајни служби блиски на опозицијата, предизвика лавина од реакции на социјалните мрежи. Сепак, Пендаровски (не)намерно заборави да одговори на основното прашање “каква кола вози“? Дали Стево Пендаровски вози старо Југо или истото му служи само како реклама за лажна скромност, а можеби вози Фолксваген или Опел или Пежо? Дали Пендаровски има нешто да крие од јавноста или само има лоши советници за односи со јавноста?
Несреќната изјава на Пендаровски, со која веројатно сакаше да се претстави како жртва, отвара една друга дилема: колку е способна власта да го заштити и да му овозможи безбедност на нејзиниот национален координатор за НАТО интеграции? Дали можеби Пендаровски алудира дека МВР е неспособно да го заштити или можеби во самото МВР има инсталации кои работат за странска држава? Како и да се одговори, за власта ова е незгодна тема. Оваа тема нема да заврши од денес за утре. Напротив, јавноста во секоја прилика ќе го прашува министерот за внатрешни работи Оливер Спасовски дали добил пријава од Пендаровски, дали ги открил странските служби, дали политичарите во Македонија се безбедни, и кога тие “агенти“ ќе бидат изведени пред лицето на правдата.
До вчера Пендаровски требаше на јавноста да и одговори само на едно прашање: каква кола вози? Од денес па до 5-ти Мај, ќе треба да одговара и на темата во која сам се заплетка: која странска служба го следи и дали власта е (не)способна да го заштити?
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.