Државниот секретар на САД, Мајк Помпео, при вчерашната посета на Охрид доби чибук со Охридски Бисер и манжетни.
Подарок ѓердан и обетки со Охридски бисери доби Сузан Помпео сопругата на државниот секретар на САД, Мајк Помпео, кој вчера беше во посета на Република Македонија.
Подарокот таа го доби од семејството Филеви кои го изработуваат препознатливиот Охриски бисер, објави Гласот на Америка.
„Се запознаа со техниката, богатата музејска содржина, традицијата, историјата преку вештините на дел од изработката на овој редок занает, како посебен културен елемент на Охрид“, рече Михајло Филев, изработувач на Охридски бисер.
Државниот секретар на САД, Мајкл Помпео, вчера пристигна во еднодневна официјална посета на Македонија. На аеродромот „Свети Апостол Павле”, Помпео, со високи државни почести беше пречекан од министерот за надворешни работи, Никола Димитров, и потоа, заедно со неговата придружба се упати кон Охрид на средби со дел од државниот врв.
Американскиот државен секретар, во вилата „Билјана“, ќе се сретна со претседателот Стево Пендаровски, по што ќе следуваше и средба со премиерот, Зоран Заев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.