Избувна пожар во скопското село Катланово. Пожарот избувнал доцна попладнево и се уште не се знае која е причината.
Во Катланово, над бензинската пумпа на автопатот Велес – Скопје избувна пожар. Во моментов гори нискостеблеста шума, а стихијата се шири кон повисокиот дел со борови дрвја. На терен се седум противпожарни возила.
Засега гори нискостеблеста шума, но пожарот се шири кон викендиците и кон бензинската пумпа на ОКТА.
Како што изјави за МИА командантот на Противпожарната бригада на Град Скопје, Владимир Симоновски, седум противпожарни возила се на терен.
„Засега гори нискостеблеста шума, но пожарот се шири кон боровите. Веднаш интервениравме, најпрво со две екипи, а потоа, откако беше побарано засилување, испративме уште пет. Засега не можеме точно да кажеме од што избувнал пожарот, само се обидуваме да го изгансеме или локализираме, рече Симоновски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.