Заменик-претседателот на парламентот и поранешен грчки министер за здравство Димитрис Кремастинос почина утрово на 79-годишна возраст од последиците од вирусот корона, соопштија официјалните лица.

Кремастинос, кој бил кардиолог и професор на универзитетот, бил примен во болница во Атина со здравствени компликации на 26 март, јавува АНА.

Тој беше почитуван лекар, кој стана многу познат како личен доктор на починатиот премиер Андреас Папандреу во текот на 90-тите години, додава АП.

Премиерот Киријакос Мицотакис му оддаде почит на Кремастинос, изјавувајќи дека светот на науката и политиката го изгуби водечкиот член.

Мицотакис на Твитер рече дека професорот „оставил посебен белег на достоинството, одговорноста и ефикасноста“.

Григорис Тасиос во разговор со дописничката на МИА од Атина објаснува дека сѐ уште е рано да се каже кога конкретно и официјално ќе започне туристичката сезона во Грција.

Според планот на грчката Влада за постепено олабавување на мерките и постепено префрлање во новото секојдневие, отворањето на хотелите и туристичките објекти е планирано за месец јуни.

Хотелите што работат во текот на целата година, предвидено е да се отворат во јуни, додека пак сезонските туристички објекти се во последната, седма фаза од планот, без засега да биде одреден конкретен датум.