„Воедно, едно од осомничените лица како функционер, заедно со првоосомничениот присуствувало на средбите организирани од првоосомничениот, при што го искористило својот углед и авторитет и оштетените стекнале впечаток дека зад понудените проекти стои извршната власт“, соопштија од обвинителството за Плусинфо.

Мерки на претпазливост ќе се бараат и за тројца од четворицата нови осомничени, додека за еден кој е дел од Меѓународниот сојуз ќе се бара притвор. Неофицијално, станува збор за Јасна Мандиќ која е заменик-претедателка на Меѓународниот сојуз.

Инаку, во Сојузот, Ременски ја имаше титулата почесен претседател.

Таа во рамки на истрагата за оваа афера даваше исказ, а покрај неа пред обвинителството да сведочи беше повикан и пратеникот Александар Кирацовски.

Извор Плусинфо