Соединетите држави во април годинава најавија рекорден буџетски дефицит од 738 милијарди долари, предизвикан од огромни распределби на владата и драстично намалените приливи во државните каса за време на пандемијата на вирусот корона, објави Ројтерс.

Министерството за финансии на САД објави дека буџетскиот дефицит во април е вистински ран показател за огромните распределби на владата, утврдени со цел да се ублажат влијанието на пандемијата на коронавирус врз американската економија.

Американскиот Конгрес досега одобри пакети за економска помош на американската економија во износ од 3.000 милијарди долари, а некои од првите пакети со мерки требаше да бидат платени во април.

Државата заработи 242 милијарди долари во април, што е за 55% помалку отколку во истиот период минатата година.

Додека пак за само неколку недели како последица на пандемијата од ковид-19, во германското производство забележа пад од 20 до 25 отсто, соопшти државната развојна банка – „KfW“, проценувајќи дека врвот на падот веројатно поминал во април, доколку земјата не се соочи со втор бран.

Со ублажување на бројни мерки, економијата би требало барем делумно да се нормализира во почетокот на летото, се вели во соопштението на „KfW“ од каде додаваат дека следува многу брз раст во третиот квартал од годината, пренесува Ројтерс.