Македонскиот борач Буњамин Нуиши беше убиен при грабежот на казиното во Блаце. Од неговиот клуб Тефејуз, објавија фотографии во сеќавање на нивниот колега и другар.

Полицијата отвори истрага за оваа несреќа, а покрај убиениот Нуиши, жртва при грабежот е и 22-годишниот В.Х. од Косово.

Убиството се случило кога четири маскирани лица со автоматски пушки влегле во казиното за да го ограбат, по што освен Нуиши настрадало и уште едно лице присутно во објектот.

Нуиши за последен пат настапи на Светскиот куп во борење во шалвари Дунја купот во градот Кахраманмараш во Турција, каде што триумфираше во првата борба против борец од Белорусија, по што загуби од светскиот шампион од Азербејџан.

Во 04.47 часот во СВР Скопје било пријавено дека во казино на ул.„Јадранска магистрала“ во Скопје влегле четири вооружени лица и почнале да пукаат кон присутните, при што го погодиле В.Х.(22) од Косово, кој починал на местото.

Додека, според пријавеното, Б.Н.(20) од с.Крушопек, скопско, ангажиран како приватно обезбедување во казиното, со кундак бил удрен во главата, по што и тој починал.

Напаѓачите од касата го одзеле дневниот промет и заминале. Увид на местото извршила екипа од СВР Скопје и се преземаат мерки за пронаоѓање на сторителите и за расчистување на случајот.