Државниот санитарен и здравствен инспекторат (ДЦЗИ) во моментов спроведува вонреден инспекциски надзор во Клиничката болница во Штип, за случајот со 41-годишната пациентка која на 14 ноември во утринските часови  почина по компликации од ковид-19 на Инфективното одделение, соопшти Министерството за здравство.

Ќерката тврди, дека од податоците на мобилниот телефон на мајка и, евидентно е дека таа со часови не успеала да добие ниту едно медицинско лице да и донесе боца кислород во собата, во последните моменти од животот, кога таа боца кислород била клучна за нејзиното преживување!

„Државниот санитарен и здравствен инспекторат спроведува вонреден инспекциски надзор за случајот со 41 годишната пациентка која почина на инфективното одделение во Клиничката болница Штип.

По завршениот надзор, јавноста ќе биде навремено информирана.“ – напиша министерот Филипче на социјалните мрежи.

Михаела: “Мајко, не можам да разберам ништо што кажуваш, дали си добро?” 
Пациентката: „Многу сум уморна, ќерко“
Михаела: “Добра мамо, не грижи се, само одмори, ќе сториме се што можеме, ќе биде добро”.
Пациентката: „Добро“.

На инфективното одделение во Штип, 55 пациенти се лекуваат со сериозна клиничка слика.