Законот за јазиците е многу јасен, пратеникот Албанец, Србин, или Турчин смее да зборува на својот мајчин јазик во Собранието на седници итн. Сепак во пракса е тоа поинаку, во Македонија службен јазик е Македонскиот и новинарите не се должни да учат јазик на малцинство за да си ја вршат работата.
Пратеникот Ејуп Аљими од ДУИ на денешната прес-конференција на која зборуваше за Законот за пазарите, се обрати само на албански јазик, иако првично требаше да зборува на двата јазици.
Откако новинарите во прес-центарот во Собранието реагираа и бараа тој да се обрати и на македонски јазик, претседателот на ЛДП и пратеник, Горан Милевски обидувајќи се да го одбрани најави дека Ејупи ќе зборува и на македонски, но ништо од ветувањата. Аљими ја напушти салата.
Аљими покажа дека всушност сите оние тврдења дека законот на јазиците ќе ја релаксира и онака затегнатата ситуација помеѓу малцинствата паднаа во вода. Тој едноставно замина без ни малку почит кон Македонската јавност и присутните новинари.
Сепак дали е ова наговестување на уште поголеми провокации или е само изолиран случај на лош ден на пратеникот, времето ќе покаже!
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.