Во и околу Москва ќе се отворат 15 продажни места, под ново име и лого, но на истите локации, со ист персонал и речиси идентични понуди за храна.

Објавил: admin@magazin | 12 јуни, 2022 11:04

Руската верзија на франшизата Мекдоналдс денеска го отвора првиот ресторан во Москва

Фото/Текст извор: ©магазин.мк

Првиот ресторан на руската верзија на синџирот Мекдоналдс се отвора денеска во Москва, откако американскиот синџир за брза храна ја напушти земјата и го продаде својот имот во Русија.

По повеќе од 30 години, Мекдоналдс во март ги затвори своите руски ресторани, како одговор на инвазијата на Русија врз Украина.

Синџирот вработуваше повеќе од 62.000 лица во цела земја. Некои ресторани на аеродромите и железничките станици засега ќе продолжат да работат под официјалното американско лого поради посебните договори што не е лесно да се раскинат.

Нов сопственик на франшизата сега е Александар Говор, кој од 2015 година има лиценца за 25 ресторани на Мекдоналдс во Сибиир!

Тој ќе ги откупи сите 825 локации на Мекдоналдс низ целата земја и тврди дека има намера повторно да ги отвори сите во рок од два месеци.

Отворањето на руската верзија на Мекдоналдс во последните денови предизвика голема дебата на руските социјални мрежи. Државниот весник „Росискаја газета“ посвети цела страница на „рускиот Мекдоналдс“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.