Деновиве македонските дипломати добиваат и-мејл порака во која нивниот синдикат ги повикува на учество на неделниот граѓански собир за европска Македонија.

Собирот го организира коалицијата на владеачките партии и други здруженија Заедно за европска Македонија.

Во пораката, колешките и колегите се повикуваат да се придружат на граѓанскиот собир.

“Да излеземе во недела, на 16.09.2018 да маршираме за европска Макдонија! Маршот започнува во 13:30 часот пред  зградата на Црвениот крст и ќе се маршира до зградата на Европската Унија.

Во 14 часот пред зградата на ЕУ започнува официјалната програма на граѓанскиот собир. Повеќе информации на www.izlezi.mk“.

Пораката е пратена од времениот извршен одбор на Синдикатот на македонската дипломатска служба.

Симтоматично е што Синдикатот на Македонски дипломати има партиски предзнак одамна.

Имено во 2016 година Синдикатот на македонската дипломатија пред Министерството за надворешни работи во Скопје, под мотото „Доста е!“, организираше предупредувачки протест поради напластените проблеми кои со години го уриваат рејтингот на македонската дипломатија.

Барајќи враќање на дигнитетот на дипломатската служба која, според нив, е се попартизирана, членовите на Синдикатот се заложија за репрофесионализација, со која би се намалил бројот на проблеми и скандали кои ги одбележија последните години.

Тогаш беше посочено дека протест на дипломатите е преседан во 53-годишното постоење на дипломатската служба, но професионалците во службата, донеле одлука за ваков вид на искажување на незадоволството, поради односот на челниците на Министерството за надворешни работи, кои не реагирале на барањата на ИО на Синдикатот за дијалог.

Трагикомично беше што Македонските дипломати имаа граматичка грешка во транспарентот на наместо “Дипломатска” служба гордо го носеа транспарентот на кој пишуваше “Дипломаткса“.