Јавното обвинителство соопшти дека видеата кои беа објавени во италијанскиот медиум „Ла Верита“ поврзани со предметот „Рекет“ не се добиени од обвинителството.

Од ОЈО соопштија дека се проверуваат сите индиции и сите аспекти, а истражната постапка е во тек и јавниот обвинител презема истражни дејствија за да се обезбедат доказите и да се утврди фактичката состојба според подготвен план кој обезбедува целосно истражување на случајот.

ЈО потврдуваат дека видеата кои беа објавени вчера и денес во италијанскиот медиум „Ла Верита“ поврзани со предметот „Рекет“ не се добиени од обвинителството, но сепак станува збор за аудио и видео материјали кои се дел од доказната постапка во предметот.

„Јавното обвинителство во предметот постапува професионално и неселективно. Притоа се проверуваат сите индиции и сите аспекти. Истражната постапка е во тек и јавниот обвинител презема истражни дејствија за да се обезбедат доказите и да се утврди фактичката состојба според подготвен план кој обезбедува целосно истражување на случајот. Доколку во текот на истрагата бидат утврдени елементи на други кривични дела или други сторители, постапката ќе биде проширена, а јавноста за тоа веднаш ќе биде известена. По целосно завршување на истрагата ќе биде донесена јавнообвинителска одлука“, се вели во соопштението од ОЈО.

„Во периодот кога дел од јавните обвинители користат годишен одмор назначени се обвинители кои ги заменуваат, како и истражители кои секојдневно активно работат на предметот. Функцијата на јавното обвинителство се извршува непречено“, изјавуваат од ОЈО.