Maкедонската репрезентација, за неполна една недела ќе настапи на Светското првенство Германија и Данска.
Раул Гонзалез, селекторот на Македонија, првпат ќе игра со олку млад состав во таборот на „црвено-жолтите“. Со доза на претпазливост го најавува претстојниот Мундијал во Германија и Данска, за кој вели дека нашиот национален тим мора да игра како тим и да се биде максимално претпазлив на првиот натпревар. Македонија ќе игра во групата Б со селекциите на Јапонија, Бахреин, Хрватска, Шпанија и Исланд.
„Досега на подготовките се е според планот. Ќе играме и два пријателски меча со Србија и ќе видиме како ќе ни оди. Јас знам дека пријателските не се како официјалните, но верувам во овој тим и знае и може да игра убав ракомет. На претстојните пријателски средби сите ќе добијат шанса, за да се подготвиме што подобро на турнирот. Мислам дека треба да одиме чекор по чекор и да имаме почит кон секого. Македонија има ниво, но мора да се фокусира на првиот меч, а не на тоа што ќе се случи и што следи потоа. Нашиот прв противник Јапонија играше против Полска и Чешка и одигра одлично. Мора да го победиме првиот натпревар, а потоа ќе мислиме на вториот меч. Околу целта на ова Светско првенство не би сакал да зборувам што ќе биде, сакам само да играме како екипа, само така можеме да успееме“, изјави Раул.
Селекторот Раул Гонзалез наскоро ќе го објави и финалниот список на ракометари кои ќе ги води во Минхен.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.