Вечерва во познатиот центар „Стејплс“ во Лос Анџелес, американската јавност ја одбележува смртта на НБА легендата, Коби Брајант, која заедно со неговата ќерка Џиана и уште седум лица загинаа на 26 јануари во хеликоптерска несреќа.

Присутни се повеќе од 20.000 луѓе, вклучувајќи ги и семејството и пријателите.

Нај емотивно беше кога вдовицата Ванеса Брајант се најде на штандот:

– Благодарност на сите што сте тука и ви благодарам за поддршката што моето семејство ја чувствува од целиот свет. Јас би сакала да зборувам за Коби и Џиџи, но ќе започнам со моето мало девојче. Нејзината насмевка беше како сонце. Коби секогаш велеше дека е како мене, дека ја има мојата харизма и најубавата насмевка. Таа беше лидер, учителка, знаеше шпански уште од тинејџерка.

Џиџи, ќе ни недостасуваш секој ден “, рече таа низ солзи и продолжи:

„ Џиџи можеше да биде најдобриот играч на ВБА. Таа сакаше да го смени начинот на кој жените се гледаат себеси во спортот.

Ванеса продолжи да зборува за Коби.

– Тој беше најдобриот сопруг. Тој ме сакаше повеќе отколку што можам да замислам. Тој секогаш размислуваше за нашите годишнини, ги радуваше децата, рече Ванеса за Коби и додаде:

– Бог знаеше дека не можат да бидат на Земјата еден без друг, па ја зеде и Џина. Душо, се грижи за Џиџи, а јас ќе се грижам за другите. 

На комеморацијата во центарот „Стејплс“ присуствуваа кошаркарските легенди Мајкл Џордан, Меџик Џонсон, Шексил О’Нил и многу други познати личности и пејачи, а во текот на комеморацијата пееше Бијонсе.