Активистот Жарко Масларковски заработи прекршочна пријава поради веење на знамето со сонцето од Кутлеш. На социјалните мрежи објави дека бара само морална поддршка, а казната како што вели сам ќе си ја носи!
Поканата од судот Масларковски ја објави на Фејсбук, а еден од оние кои застанаа позади навивачот е голманот на Вардар, Борко Ристовски.
Ристовски му порача на навивачот дека тој ќе му ја плати казната.
Барајќи мир на душата, знам да викам грлато Македонија пред собрание!!! На Ѓурѓовден сум на суд за носење знаме македонско(Кутлеш) и викање Македонија на прослава на титула на Р.К. Вардар!!! Барам само морална поддршка, казната сам ќе си ја носам!!! Да живее Македонија, вели Масларковски.
Македонскиот ракометен репзентативец Борко Ристовски на својот фејбук профил неодамна напиша дека му е чест и задоволство да биде дел од тимот на лидерот на ВМРО-ДПМНЕ Христијан Мицкоски.
Ристовски во својот статус потенцира дека е огромна обврска да се биде дел од ВМРО-ДПМНЕ, ветувајки максимална ангажираност и посветеност во креирање на политики за афирмација на македонскиот спорт.
Чест, задоволство но и огромна обврска е да се биде дел од стратешкиот тим на Претседателот Христијан Мицкоски и ВМРО-ДПМНЕ.
Од моја страна, можам единствено да ветам максимална ангажираност и посветеност во креирање на политики за афирмација на македонскиот спорт.Во периодот што следи ќе понудиме низа проекти и програми за подобрување на условите за работа на спортските федерации, клубовите,спортските работници и се разбира спортистите,пренесени од позитивните пракси од европските земји. Нека спортот биде еден од главните столбови на кој ке го градиме нашето општество и да пробаме да ја направиме Македонија поубаво место за живеење.
Да живее Република Македонија, стои во статусот на Ристовски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.