Нов почеток и нов живот. Анастасија и Габриел се првите родени бебиња – близначиња на Клиниката за гинекологија и акушерство.

На родителите им посакувам добро здравје, успешна и среќна година.

Мајката Снежана ја има целосната потребна здравствена заштита и нега.
Упатувам честитки за професионалноста до целиот медицински персонал во сите јавно-здравствени установи. Нека ни е среќна новата 2020 година, напиша министерот Венко Филипче!

Првото е женско, родено во 00:01, а второто е машко и е родено во 00:03 часот.

 Првото бебе што се роди годинава во Прилеп е машко. Бебето се роди во Градската болница рано изутрината во 2:35 часот.

Ова и е трето дете на мајката Весна Стојкоска.

-Многу сум среќна и ова е најубавиот подарок во Новата година. При породувањето се помина во добар ред. Бебето и јас се чувствуваме добро, изјави Стојкоска.

-Во првите чесови од Новата 2020 година сме побогати со две деца. Двете се машки и со тежина од по 3 630 грама. Во одлична состојба се, и бебињата и мајките, рече д-р Изабела Чочева Талеска.