Видео од страотната сообраќајка во која вчера загинаа 5 лица во скопската населба Драчево објави телевизија Сител.

Во сообраќајката загинаа 5 лица на возраст од 37 до 54 години.

Несреќата се случи синоќа околу 23.40 часот на булеварот „Борис Трајковски“, откако автомобил „рено 5“ удри во камион за смет на „Комунална хигиена“. Како што информираа утринава од МВР, со автомобилот управувал 43-годишен скопјанец со иницијали Јованче Лазаров кој починал на лице место. На местото починале и сопатниците С.Н., А.Т.(54) од Скопје, Е.Т.(37) од Скопје и И.А.(40) од Скопје. Возачот на камионот, 44-годишниот М.Ј. пак се здобил со повреди и бил пренесен во Градската општа болница „Св.Наум Охридски“ каде му била укажана лекарска помош и бил задржан на понатамошно лекување. Лекарите Кај него констатирале тешки повреди на главата и градниот кош а денска е пуштен на домашно лекување.

Увид на местото извршил Јавен обвинител и увидна екипа на СВР Скопје. По наредба на Јавен обвинител телата на починатите биле предадени за обдукција.

Жител на Драчево раскажува за страшната глетка која ја затекнал идејќи си накај дома.

– Кога стигнав овде, синоќа патот беше блокиран, имаше многу полициски возила, страшна беше сликата. Загинатите веќе беа починати и покриени со чаршави“, изјави скопјанецот за А1он.

Тој изјави дека најверојатно брзото возење е причината за големата трагедија која однесе 5 животи.

– Кон Драчево се вози многу брзо, ретко кој почитува сообраќајни знаци, никој не врзува појас.Овде спас е на секои 50 метри да има полиција, за да не ни се случуваат вакви работи“, рече тој.