Струмичани во шок и неверување по веста за смртта младиот одбојкар Дени Стојчев.

Денеска почина Дени Стојчев, поранешен одбојкар на Џио Струмица и на македонската репрезентација во помлади категории. Стојчев играше на позиција либеро во кадетскиот и во јуниорскиот национален состав, а во матичниот клуб настапуваше до 2009-тата, соопштија од Одбојкарската федерација на Македонија (ОФМ).

Стојчев имаше 32 години.

Прераната смрт на Дени Стојчев предизвика неверување кај сите во неговиот град и кај пошироката одбојкарска јавност кај нас.

Во организација на ОК „Џио Струмица“ неодамна во спортската сала „Парк“ се одржа прв меѓународен меморијален турнир во чест на прерано починатиот поранешен одбојкар Горан Панов-Близнако.

Џио Струмица во октомври го организираше и Балканскиот клупски куп на кој победи турскиот екипа Токат, а домашните одбојкари го освоија второто место и не успееја да обезбедат пласман во ЦЕВ Челинџ купот.