На самиот почеток од расправата дали преставките ќе бидат или не предмет на оценка за нивната уставност во Уставниот суд поделени мислења на деветте судии.

Уставната судијка, Елена Гошева рече дека има услови судот да поведе постапка за оценување на уставноста на одлуката и да се донесе временска мерка за стопирање на активностите поврзани со референдумот.

Како свои аргументи таа наведе неколку спорни елементи кои според неа се противуставни, меѓу кои дека прашањето е збунувачко, дека не може да се распише консултативен референдум за стапување во воени сојузи, дека граѓаните не може да се одлучат, на пример ДА за НАТО, НЕ за ЕУ или слично.

Судијата Костадиновски од своја страна не гледа противуставни елементи околу референдумот.

Не се согласувам со поднесоците и го молам Уставниот суд да не продолжи кон оценка за уставноста на референдумот, рече во дел од своето излагање уставниот судија, Дарко Костадиновски.

Со својот колега се сложи и уставниот судија, Осман Кадриу:

Одлуката не може да се каже дека е незаконска бидејќи е донесена со мнозинство гласови од законодавните органи – рече уставниот судија, Осман Кадриу на седницата на Уставниот суд, додавајќи дека задолжителен референдум се одржува за членство во сојузи, излез од сојуз или промена на границите, но, како што рече тој, ЕУ не е сојуз, додека НАТО е политички и воен, но не и државен сојуз.