Ние сме во убедлива предност пред ДУИ во изборните единици од каде добиваме информации, се надеваме дека овој тренд ќе продолжи до крајот на броењето на гласовите, истакна генералниот секретар на Алијансата за Албанците Арбен Таравари.
– Првичните резултати што ни стасуваат се дека сме во убедлива предност пред ДУИ. За време на изборите се регистрирани бројни нерегуларности и тоа од партиите кои се на власт СДСМ заедно со ДУИ.
Употребени се застрашувања на граѓаните, употреба на полиција, злоупотреби се регистрирани во селото Лојане во Раманли во Куманово каде е регистриран „бугарски воз“, во Сарај.
Има злоупотреби на гласачите и во други изборни единици.
Трендот е победнички и се надевам дека ќе славиме голема победа по 18 години – изјави Таравари.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.