Според најновото истражување направено од грпуа експерти по молекуларна медицина и вирусологија во Рурскиот универзитет во Бохум, миењето на устата со течност за уста значително може да го намали ризикот од зараза со новиот коронавирус.

Во истражувањето во кое учествувале и Јена, Дуисбург – Есен, Нирнберг и Бремен, истражувачите проучувале осум видови на средство за плакнење на устата со различен состав. Средставата ги купиле од аптеките од Германија. Вирусни честички биле ставени во секоја од водите, тресејќи ги 30 секунди за да се симулира ефектот на плакнење на устата.

Добиените резултати биле зачудувачки односно покажуваат дека вирусните честички на Ковид-19 се уништуваат во течноста за плакнење на устата.

Имено авторите на студијата потенцираат дека миењето на устата не го убива вирусот, туку само го намалува ризикот од негово ширење, а дојдоа и до сознание дека сите видови на течност за миење на устата го намалуваат присуството на вирусот до степен да не може да се открие.