Како што соопштија од Итна помош Куманово, едно лице загина, а друго е повредено во тешка сообраќајна несреќа што се случила утрово во Куманово.
Од итната помош додаваат дека повреденото лице е префрлено на лекување во скопските клиники. Сообраќајната несреќа се случила околу 6 часот на булеварот „Октомвриска револуција“ во близина на реонскиот пазар.
Од СВР Куманово потврдија дека се случила сообраќајна несреќа и најавија дополнителни информации во текот на денот.
2018 година беше застрашувачка година кога се работеше за сообраќајни несреќи во Куманово. Во првата половина од годината се случија 274 сообраќајни несреќи во кои животот го загубиле две лица, 17 се здобиле со тешки телесни повреди, 127 со повреди.
Најчести причини за настанување на сообраќајните незгоди во 59 случаи било првенство на минување, во 31 случај страна на движењето, во 20 растојание, 13 сообраќајки се случиле поради престигнување, по осум биле поради брзо возење и состојби на патот и во шест алкохолот бил причина за настанување на сообраќајни несреќи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.