Трагедија на Евросонг се случила годинава откако на Фулди Шварц (66) му паднал дел од осветлувањето.

Несреќата која била фатална за Шварц се случила додека траеле подготовките за Евросонг кој се одржува во Израел, му паднал дел од осветлувањето. Иако екипата на брзата помош веднаш реагирала и тој бил префрлен во болница, сепак не издржал.

Не обвинуваме никој засега, но како е можно на таков голем настан, како што е Евросонг, со толку вложени пари, надзор и сигурност нешто толку страшно да се случи – се прашувале членовите на семејството на починатиот.

Полицијата покренала истрага за случајот.

Инаку ова е 64-та по ред Евровизија, која се оджува во Тел Авив, Израел и за  годинешниот Евросонг 2019 германскиот сценски дизајнер Флоријан Видер доби други насоки: бината да биде „уникатна, иновативна и хајтек“. Видер, кој со години е задолжен за дизајнот на бината за Евровизија, желбата им ја остварил на многу впечатлив начин.

Како што изјави Ејтан Шварц, шеф за односи со јавност на градот Тел Авив, за нив Евровизија не е само натпревар за најдобра песна, туку во Израел тоа е настан од национално значење. Тој истакна дека ова е шанса да се покаже друга слика од земјата во светот: дека е отворена, весела, пријателски настроена кон хомосексуалци, шарена и толерантна. Паралелен свет спрема светот на ултраортодоксните Евреи со нивните строги правила. Свет во кој нема спорна политика за населување, конфликт со Палестинците и бомби од Газа.