Претседателот на Демократски сојуз, Павле Трајанов за емисијата „Само вистина“ изјави дека потенцијален мандатор е Зоран Заев и лично тој очекува дека најдоцна до петок да биде доделен мандатот на лидерот на СДСМ и тој да се обиде да формира влада во уставниот рок од 20 дена.

Сметам дека има национализам преку одредени екстремни изјави да се подигне нивото на преговарачкиот процес, да се подигне црвената линија.

ДУИ имаше добра кампања за да биде во центар на внимание со флусколата Албанец премиер и тие инсистираат на тоа по секоја цена, што за мене лично е неприфатливо“, смета Трајанов.

Трајанов, чија партија е дел од коалицијата на СДСМ, смета дека ДУИ се реални и тие знаат дека идејата за премиер Албанец нема да помине.

Таа партија којашто ќе прифати таква уцена мислам дека треба да се избрише од политичката сцена, но тоа нема да го направи ниту СДСМ, ниту ВМРО-ДПМНЕ. Без разлика дали е голем притисокот за да се направи влада, таква уцена од ДУИ нема да биде прифатена – вели Трајанов.