Заврши агонијата во семејството на српскиот претседател Александар Вучиќ, уапсен е мажот кој подготвувал напад врз неговата ќерка Милица Вучиќ.

Милица има 17 години и оди во приватно училиште во Србија.

Како што објави српскиот портал Курир, Саша Петерсен, кој подготвувал напад на Милица Вучиќ (17), ќерката на претседателот на Србија, Александар Вучиќ, уапсен е денеска.

44-годишниот Саша Петерсен, личност со богато полициско досие, кој од претходно бил познат како дилер, секојдневно ја следел ќерката на српскиот претседател и планирал напад на луѓето задолжени за нејзината безбедност.

-Упорно секојдневно го посетуваше училиштето во кое оди Милица Вучиќ. Го снимаше девојчето, но и членовите на обезбедувањето задолжени за нејзината безбедност“, стои во соопштението на полицијата, а пренесува Курир.

Се пренесува и дека Петересен на безбедносните служби им бил познат и како Саша Предиќ, кој бил пријавен со адреса на друго место, а живеел во Белград.