Јас направив грешка што ја отворив вратата, а вие и оној што избега ја насочувавте толпата да оди горе оти таму бил Зоран Заев, му рече пратеникот Крсто Мукоски на Антонијо Милошоски во реплика од собраниската говорница.

На денешната собраниска седница Антонио Милошоски обвини дека пратеникот Крсто Мукоски добил 4 милиони евра тешки тендери, сакајќи да покаже дека власта на тој начин купува пратеници.

Според Милошоски оние кои го нарекуваа терорист сега му се пријатели. Мукоски според Милошоски со Груевски на митинзи викал дека нема да го смени името , а сега се фалел дека се ќе продава и ќе се сели во Белград.

На ова му реплицира Мукоски кој обвини дека ВМРО -ДПМНЕ е заложник на два три криминалци.

Пратеникот Крсто Мукоски од говорницата испрати критики кон колегата Антонио Милошоски и опозициската ВМРО-ДПМНЕ.

„Жал ми е што ВМРО-ДПМНЕ е заложник на двајца-тројца луѓе. Тоа не беше основата на ВМРО-ДПМНЕ

„Пратениците од СДСМ Крсто Мукоски го нарекуваа терорист. Не знам дали го смениле мислењето, но очигледно е дека тендерите се поважни од употребата на Јавното обвинителство на селективен начин. Дел од луѓето на кои тој им ја отвори вратата се во затвор и нивните деца немаат татко како што неговите имаат. Затоа Мукоски одлучи да ги изневери граѓаните кои го гласале“, возврати Милошоски.

„Јас за несовесната грешка на 27 април 2017 година си го одлежав своето. Жал ми е што вие не одговарате. Заедно со избеганиот ја насочувавте толпата да оди горе оти таму е Зоран Заев“ рече Мукоски.

Независната пратеничка Емилија Александрова му порача на пратеникот од опозициската ВМРО-ДПМНЕ, Антонијо Милошоски, да ја напушти и да ја ослободи партијата, бидејќи, како што рече, со неговото однесување ѝ нанесува само штета.

– Вие немате никакви аргументи против овој Закон за Јавно обвинителство. Ја заложивте партијата во која сте само поради привилегии. Ја искрививте мојата слика за тоа како треба да изгледа еден политичар. Напуштете ја партијата, ослободете ја партијата – рече Александрова.