Според информацијата од УХМР, во Маврово наврнале 47 литри на метар квадратен и 45 литри во Лазарополе.

Во западниот дел од Македонија се регистрирани најмногу врнежи од дожд.

Во Битола и Претор наврнале 32 литри на метар квадратен, во Пожаране 30 литри, Крушево 28, Охрид 23 литри, Дебар 19, Тетово, Куманово и Тополчани 12 литри, Прилеп 10, осум Скопје Петровец, седум во Скопје Зајчев рид и Ѓуриште, три во Штип, два во Гевгелија и еден литар во Струмица, Крива Паланка, Демир Капија, Берово и Дојран.

И во текот на денешниот ден метеоролозите најавуваат пообилни врнежи, кои локално ќе бидат во форма на невреме, со грнежи, засилен ветер и услови за појава на град.
Температурата ќе се движи од 12 до 19 степени.
Во главниот град Скопје, ќе биде претежно облачно со обилни врнежи од дожд, а температурата ќе достигне до 19 степени.
Нестабилното време во Македонија ќе се задржи до петок, на места со обилни врнежи од дожд од 50 до 60 литри на метар квадратен. Локалните процеси ќе бидат во форма на невреме проследени со грмежи, засилен ветер и појава на град.
Метеоролозите за викендот најавуваат сончево и потопло време.