Македонските ракометни херои, уште еднаш покажаа како се сака својата земја Македонија. Тие вчера пристигнаа во Австрија каде се одржува Европското првенство 2020, а на автобусот на кој стоеше North Macedonia, тие решија да го избришат North ставајќи македонско знаме над додавката.

Инаку новото име на државата со придавката Северна, го налага и ЕХФ, па поради тоа ракометарите кои очигледно сакаат да ја претставуваат само Македонија мораа да се снаоѓаат.

Сега како што може да се забележи од фотографијата, на автобусот си пишува само Team Macedonia.

Инаку денеска  македонската ракометна репрезентација ќе го одигра првиот натпревар на Европското првенство кое се одржува во Шведска, Австрија и Норвешка.

Противник на нашата земја ќе биде Украина а натпреварот ќе се одигра вечерва со почеток од 20:30 часот во „Виенер Стадхале“ во Виена.

Македонскиот селектор Данило Брестовац вчера на средбата со медиумите во Виена рече дека има голема желба за победа и успешен почеток против Украина.

Јас искрено би сакал Лазаров да игра постојано, да игра 60 минути на натпревар… Но, да бидеме реални, Кире е во поодминати години и сепак природата си го чини своето. А, ние мора да го почитуваме тоа. Затоа неопходно е и јас како селектор да ги почитувам размислувањата на Лазаров. Факт е дека ние сме 60-70% подобри со Кире во тимот, но има 40 години и ние тоа мора да го почитуваме, истакна Брестовац.