Министерот за здравство Венко Филипче преку својот ФБ профил ја демантира веста дека му понудил оставка на премиерот Зоран Заев поради последиците со епидемијата од морбили. Извори од министерството претходно за Магазин соопштија дека министерот Филипче чувствува морална одговорност за долгото траење на епидемијата, која за 4 месеци одзеде 30 човечки животи и во моментов има околу 1000 заразени граѓани.
Во својот демант министерот Венко Филипче како крива и одговорна за долготрајната епидемија на морбили ја наоѓа претходната влада, но со тоа свесно или несвесно индиректно ги обвинува неговите претходници Никола Тодоров и Бујар Османи, за погрешни здравствени политики со кои не воделе грижа за здравјето на граѓаните. Прашање е дали за ваквите обвинувања министерот Филипче ќе побара одговорност на пример од неговиот актуелен колега во владата, вице премиерот Бујар Османи, за неговите погрешни политики како министер за здравство? Или можеби се спрема да поднесе некоја кривична пријава против поранешниот министер Никола Тодоров, во чиј кабинет токму Венко Филипче беше еден од советниците?
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.