Гласањето за престојниот референдум во Мелбурн, и Камбера  Австралија заврши, правото на глас го искористиле само 7 лица од вкупно пријавени 104 или во проценти гласале 6,74%. Од друга страна пак во Канбера излегле вкупно 9 лица од 103 пријавени меѓу кои еден вработен во амбасадата и неговата сопруга = 8,7%

Македонците од Австралија со ваквата излезеност испраќаат јасен сигнал до власта во Скопје дека не се согласуваат со нивната политика и дека цврсто стојат зад македонските интереси.

Важно е да се напомене дека во далечната Австралија живеат повеќе од 500.000 Македонци, а во самиот регион на Мелбурн живеат нешто повеќе од 100.000 илјади, а со денешната излезеност се потврдува само едно, дека некој не работи согласно македонските и национални интереси.

Инаку, вреди да се спореде и денешната излезеност како и бројот на пријавени лица со право на глас и излезеноста во 2016 година за време на парламентарните избори.

Имено, во 2016 година за време на парламентарните избори излегле дури 47,26% а за референдумот излегле еден многу мал процент на луѓе, шо по автоматизам го прави проблематичен и самиот референдум.

Инаку, вреди да се напомене дека клучната улога ќе ја имаат граѓаните во Македонија кои што утре треба да се изјаснат дали се за промена на името или не, со што ќе го одредат и правецот во каква Македонија ќе живееме.

За да биде успешен референдумот на гласање утре ќе треба да излезат 50 отсто плус 1 од гласачите на избирачкиот список или 903 000 граѓани, а доколку не биде исполнет цензусот премиерот Заев во неколку наврати истакна дека ќе си поднесе оставка.