Претседателот на Владата на Република Македонија, Зоран Заев вчера во областа Вахау, се сретна со новата федерална Канцеларка на Република Австрија, Бригите Бирлајн.

На вчерашната средба канцеларката Бирлајн искажа очекување дека многу скоро Австрија ќе ја поздравува Македонија како членка на Европската Унија. Таа го поздрави последниот позитивен извештај на Европската Комисија за нашата земја и рече дека нејзината земја и натаму ќе остане верен пријател и поддржувач на Македонија.

Премиерот Заев доби честитки за сите досегашни политички чекори коишто ги преземал.

Веруваме во европските вредности и можеме многу да дадеме на Европа, изјави премиерот Зоран Заев на форумот Европа – Вахау, во Австрија.

Премиерот Заев после средбата во Австрија, е фотографиран во економската класа како полетува од Виена за Скопје. Како што може да се забележи на фотографијата, тој со патниците направи заедничко „СЕЛФИ„

Премиерот на вчерашната средба рече дека Европа мора да ги отвори вратите и дека очекува до крајот на оваа година земјава да добие датум за почеток на преговорите.
На панелот во Австрија, покрај Премиерот Заев зборуваа и Еврокомесарот за проширување и добрососедство, Јоханес Хан, како и Антонио Тајани, Претседател на Европскиот Парламент.