Француската влада најави отворање на продавници по укинувањето на карантинските мерки на 11 мај, додека рестораните и кафулињата нема да започнат со работа до средината на јуни, објави Ројтерс.

Францускиот министер за финансии Бруно ле Мер изјави дека откако ќе се укинат карантинските мерки, продавниците веднаш ќе започнат со работа, но дека рестораните, баровите, кафулињата, спортски сали и црквите ќе останат затворени барем до средината на јуни.

Ќе бидат воведени протоколи за заштита на работниците и клиентите и останува да се види дали оворањето на објекти ќе бидат можни веднаш низ целата земја или постепено ќе се отвараат по региони.

Уште откако претседателот најави укинување на карантинските мерки на 11 мај, француската влада работи на изготвување план што ќе ги намали шансите за втор бран епидемии во земјата.

Движењето на постарата популација подложна на развој на посериозни инфекции веројатно ќе биде ограничено.

Планот е да се зголеми опсегот на тестирање, како и да се обезбедат доволно маски се додека не бидат укинати мерките за карантин, но сè уште не се знае дали носењето на нив во јавност ќе биде задолжително или не.