Бура во централниот дел на САД доведе до откажување на стотина летови и одложување на илјада други, и ги откажа плановите на бројни луѓе за време на празниците.

Во централниот дел од САД зафати голема снежна бура и поради тоа се откажани повеќе летови. Сајтот за следење на летовите „Флајт Авер“ наведе дека се одложени повеќе од 6.500 летови, а откажани околу 800.
Меѓународниот аеродром во Далас помина најлошо, каде повеќе од 450 летови се откажани, а 600 се одложени.
Дождот, снегот и силните ветрови во некои подрачја го направија патувањето опасно, но не и невозможно. Во Небраска властите затворија за сообраќај еден од главните патни правци во земјата, додека Северна Дакота издаде големо предупредување за патување во источниот дел од земјата.