Емран Хамза(2)трагично настрада кога на него во текот на божиќниот саем се сруши куќа која била направена од мраз, тешка 700 килограми.

Емран Хамза (2), кој е по потекло од Србија, загина во неделата на божиќниот саем во Луксембург, кога скулптура од мраз од 700 кг падна на него.

Вујкото на детето за Курир.рс вели дека со детето и неговиот татко Рагбет Хамза, тој ден заминале на саем да уживаат во убавиот ден.

На саемот се наоѓаше една скулптура од мраз, тука беше куќарка, фотелја и Дедо мраз. Емран ги разгледуваше фигурите, а ние го сликавме. Последната фотографија е направена на фотелја од мраз, раскажува неговиот вујко. Откако се фотографира на фотелјата, се случи трагедијата.

Стоеше со татко му покрај куќарката, додека пак јас бев оддалечен неколку чекори од нив. Мој зет целото време го чуваше за рака.

Горниот дел од куќарката беше подебел и одеднаш пукна и почна да се руши. Пробав да заштитам со раката, но за жал мразот веќе се сруши на детето, вели вујкото.

Бог сакаше Емран да оди кај него, тоа е божја сила. Ние сакаме ова да не се случи ни на едно дете. Сакаме да апелираме да се обрати внимание кога се прават вакви скулптури, да не се работат на нестручен начин. Вкупната тежина на сите скулптури изнесува два тони.

Фамилијата Хамза се од горанско потекло, но вујкото и мајката од несреќното дете пораснале во Земун.