Хрватскиот аналитичар Жарко Пуховски по вчерашнииот прв круг од гласањето ан претседателските избори во Хрватска, изјави дека изборите, на кои Милановиќ освои 29,57 отсто од гласови, Грабар-Китаровиќ 26,64, а Шкоро 24,4, всушност ја покажале моќта на двете традиционално најсилни политички партии во Хрватска – ХДЗ и СДП.

Пуховски за порталот Индекс вели дека во вториот круг од претседателските избори кои е закажан за две недели ќе победи актуелната претседателка.

Изборите покажаа дека станува збор за соочување на партиите. СДП, над сите очекувања успеа да постигне добри резултати, подобри од што покажуваа предизборните анкети, вели Пуховски.

Хрватскиот политички аналитичар Давор Џенеро со истиот став како и Пуховски.

Милановиќ е формално победник во првиот круг од изборите, но неговиот резултат ниту одблиску не е таков што би му давал какви било шанси во вториот круг, изјави Давор Џенеро.

Според аналитичарите победата на еден од кандидатите на претседателските избори во Хрватска,  ќе зависи од гласачите на независниот кандидат Мирослав Шкоро.

 Гласовите од Шкоро, во однос два спрема еден, ќе отидат кај Грабар-Китаровиќ, додека една третина нема да излезат на избори, што ќе биде доволно таа да победи, оцени Пуховски.

Инаку на вчерашното гласање во првиот круг од претседателските избори поранешниот премиер Зоран Милановиќ ги победи десничарските кандидати, вклучувајќи ја и актуелната претседателка Колинда Грабар-Китаровиќ.