Денеска е 92-тоиздание на престижните Оскари, денот кога цела Македонија сплотено ќе ги стиска палците и ќе биде во неизвесност дали нашиот документарец Медена Земја, ќе добие еден, а можеби и двата оскари во категориите во кој е номиниран.

Документарецот „Медена земја“ е номиниран во категориите најдобар документарец и најдобар интернационален филм.

Ова е голем историски успех за нашата држава, бидејќи по пауза од цели 25 години повторно имаме филм во трка за Оскар, и тоа со две номинации.

Вчера престижниот британски дневен весник Гардијан, објави дека филмскиот критичар Питер Бредшоу прогнозира дека македонскиот Honeylаnd ќе успее да освои Оскар во категоријата најдобар документарец.

Ѕвездата од документарецот, Атиџе веќе успеа да го шармира Холивуд. Таа е убедена дека филмот ќе добие Оскар.