По завршувањето на најгледаната серија  „Чернобил“ која буквално ги сруши сите рекорди на гледаност, ова место стана вистинска атракција.

Серијата и трагањето по вистината натераа илјадници туристи од целиот свет да се упатат на местото на најголемата нуклеарната катастрофа.

Чернобил може да се пофали со голема посетеност особено во летниот период. Илјадници луѓе од светот наместо на тропските плажи се упатија на местото на најголемата нуклеарна катастрофа на електраната Чернобил.

По катастрофата која се случи во 1986-та година, во градот Припјат, нема веќе ниту еден жител. Се што било создадено е оставено онака како што било, а сите  600.000 жители, се евакуирале,па само вреемто остана да сведочи за овој немил нстан .

Инаку Чернобил е отворен во 2011-та за туристи, но до сега таму одеа само групи авантуристи.

Инаку, за посета на туристите постојат строги правила- движење со водич во група и тоа само во места кои се претходно проверени. Но, ништо во градот не смее да се допира или пак да се носи дома за спомен. Турата чини од 80 до 130 евра, заинтересираноста е огромна.

Чернобилска несреќа е најголемата несреќа во историјата на нуклеарните централи и до денес единствен случај на седми степен на нуклеарен настан според Меѓународната скала на нуклеарни настани.

На 26 април 1986 во 01:23:40 часот (22:23:40 по UTC) во нуклеарната централа во Чернобил , Украина дошло до експлозија. По првата, дошло до ланец од неколку експлозии и пожари кои создале радиоактивен облак во атмосферата кој потоа се раширил над широк географски регион. Радиоактивниот облак бил 30-40 пати поголем од оној што настанал над Хирошима.