Три недели откако воведоа ковид сертификати за јавни собири на повеќе од 100 луѓе и нови препораки на почетокот на декември, шведските власти повторно предложија нови мерки, како начин да се спречи ширењето на сојот омикрон.
Вчера премиерката Магдалена Андерсон објави нов пакет препораки и релативно благи мерки кои нема многу да влијаат на секојдневниот живот на граѓаните.
Од четврток, на сите вработени во Шведска им се советува да работат од дома доколку е можно. На своите работни места треба да останат само вработените без кои деловните активности се невозможни. Имено, работните места и јавниот транспорт во моментов се сметаат за водечки извори на инфекција.
Сите јавни собири од 20 до 500 луѓе мора да имаат обележани места за учесниците, а за сите бројни собири, како натпревари и концерти, потребна е потврда за вакцинација. Значи, да го имате прележано вирусот или да направите негативен тест не е доволно. Во трговските центри ќе има ограничен број на луѓе кои ќе можат да престојуваат во одредени области во исто време.
Понатаму, во рестораните, баровите и клубовите дозволено е послужување само на маси, со најмногу осум лица на една маса, а растојанието помеѓу масите мора да биде најмалку еден метар. Приватните собири во баровите се ограничени на 50 луѓе. Конечно, сите странци кои ќе влезат во Шведска ќе треба да направат негативен ПЦР тест, односно антигенските тестови повеќе нема да важат.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.