Синиша Михајловиќ српски фудбалски тренер и поранешен играч од одбраната, кој во моментов ја води екипата на Болоња, ја завршува својата професионална кариера поради озбилна болест!

Некогашната фудбалска легенда, неодамна направил детални медицински тестови и докторите го советувале дека лечењето треба да го продолжи со агресивен третман. 

Тренерот на Болоња, одлучи да ја прекине својата професионална кариера како би се соочил со озбилноста на болеста, тврди Коријере дело Спорт.

Михајловиќ на прес конференција за новинарите, откри дека неодамна му е откриена леукемија.

„Кога тргнав на подготовки со Болоња ми рекоа дека имам само температура и треска. Но, јас во животот никогаш немам покачена температура и по шестчасовни испитувања излезе дека боледувам од леукемија. Свесен сум што тоа значи, но и убеден сум дека ќе ја победам.
Ќе мора веднаш да заминам на лечење и убеден сум дека за моите деца и за сите оние кои ме сакаат ќе ја победам болеста.
Сакав да повикам прес-конференција и побарав да се почитува мојата приватност, но некои медиуми не ја испочитуваа, бидејќи сакаа да продадат неколку илјади примероци весници повеќе“, рече Михајловиќ на своето обраќање.

Кариерата ја започнал како лево крило, меѓутоа со преоѓањето во Италија бил прекомандуван во одбраната, каде што играл до крајот на својата играчка кариера.

За репрезентациите на СФР Југославија, СР Југославија и Србија и Црна Гора, Михајловиќ одиграл вкупно 63 натпревари и постигнал 10 гола, а учествувал и на Светското првенство 1998 и Европското првенство 2000.

Познат е како еден од најдобрите изведувачи на слободни удари во светот. Тој и Џузепе Сињори се единствените двајца играчи во Серија А, кои постигнале по три гола на еден натпревар од слободни удари, а исто така го држи рекордот по бројот на постигнати голови од слободен удар во Серија А заедно со Андреа Пирло (28).
По завршувањето на играчката кариера работел како помошен тренер во Интер до 2008 година. После Интер, работел како главен тренер и ги водел Болоња, Катанија, Фјорентина, српската репрезентација, Сампдорија, Милан, Торино и Спортинг Лисабон.