Новак Ѓоковиќ е депортиран од Австралија. Во придружба на австралиската гранична полиција, тој денеска се качи на летот што требаше да поаѓа од Мелбурн за Дубаи во 12:30 часот и полета со мало задоцнување, јавуваат светските агенции.

Снимен е на аеродромот во Мелбурн во друштво на Горан Иванишевиќ и други луѓе кои се грижат за неговата кариера. Ѓоковиќ, според медиумите во регионот од Австралија ќе лета за Дубаи, каде потоа ќе се префрли на лет за Белград а утре претпладне го очекуваат во Србија!

По судската одлука Ѓоковиќ изјави дека е разочаран, но дека ќе соработува со властите при заминувањето од Австралија.

Австралискиот министер за миграциски прашања Алекс Хок ја поздрави одлуката на судот кој, како што истакна, го потврдил неговото дискреционо право и во име на јавниот интерес му ја одземал визата на Ѓоковиќ.