Поранешниот претседател Ѓорѓе Иванов заедно со синот Иван на плоштадот Македонија го прославија историскиот успех на македонската репрезентација која со победата од 1:0 против Грузија успеа да се пласира на Европското првенство.

Премиерот Зоран Заев на својот ФБ објави дека на владина седница е донесена одлука да бидат наградени сите членови на македонската фудбалска репрезентација со по 10 илјади евра.

Наградите доаѓат за историскиот успех што го постигна македонската селекција, односно победата над Грузија и пласманот на ЕП догодина

,,Вечерва на седница на Владата донесовме одлука од буџетските резерви да ги наградиме сите членови на македонската фудбалска репрезентација со по 10.000 евра, за историскиот успех – пласман на Европско првенство,, објави Заев кој по победата напиша

,,Македонскиот фудбал оди на Европско! Конечно, имаме историски резултат благодарение на нашата репрезентација, на нашите херои. Гордоста и посветеноста победуваат, радувај се народе’’!